សៀមរាប៖ ថ្ងៃសុក្រ ៨រោច ខែផល្គុន ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២១ ខែមីនា ឆ្នាំ២០២៥ នៅសណ្ឋាគារអង្គរប៉ារាឌី ដោយមានការអនុញ្ញាតដ៏ខ្ពងខ្ពស់ពីឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល ឯកឧត្តមសាស្ត្រាចារ្យ ស៊ា ហួង រដ្ឋលេខាធិការក្រសួងសុខាភិបាល និងជានាយករងគម្រោងមូលនិធិសកលនៃក្រសួងសុខាភិបាល បានអញ្ជើញចូលរួមជាអធិបតីក្នុងការបើកអង្គសិក្ខាសាលាស្តីពី “ការពន្លឿនវឌ្ឍនភាពនៃការពង្រីកវិសាលភាពឆ្ពោះទៅរកការទទួលស្គាល់ជាអន្តរជាតិ ISO 17025 របស់មន្ទីរពិសោធន៍រូប-គីមីសាស្ត្រ និងមន្ទីរពិសោធន៍អតិសុខុមសាស្ត្រ នៃមជ្ឈមណ្ឌលជាតិពិសោធន៍សុខាភិបាល” ដោយមានការចូលរួមពីឯកឧត្តមវេជ្ជបណ្ឌិត ក្រុស សារ៉ាត់ ទីប្រឹក្សាក្រសួងសុខា ភិបាល និងជាប្រធានមន្ទីរសុខាភិបាលនៃរដ្ឋបាលខេត្តសៀមរាប លោកវេជ្ជបណ្ឌិត ហ៊ីម សុក្រី ប្រធានគ្រប់គ្រងគម្រោងទទួលបន្ទុកបច្ចេកទេសនៃ MoH-Lit និងលោកឱសថការី ទេព កីឡា ជានាយកមជ្ឈមណ្ឌលជាតិពិសោធន៍សុខាភិបាល ព្រមទាំងថ្នាក់ដឹកនាំ មន្ត្រីរាជការ បុគ្គលិក សរុបអ្នកចូលរួមចំនួន ៧៤នាក់។