រាជធានីភ្នំពេញ. កាលពីថ្ងៃទី១៨ ខែសីហា ឆ្នាំ២០២៥ លោកនាយក និងថ្នាក់ដឹកនាំ ព្រមទាំងមន្ត្រីរាជការ និងបុគ្គលិក ផ្នែកអតិសុខុមសាស្រ្ត នៃមជ្ឈមណ្ឌលជាតិពិសោធន៍សុខាភិបាល បានទទួលជួបជាមួយអ្នកជំនួយការបច្ចេកទេស របស់ USP (United States Pharmacopeia ) ដែលមានស្នាក់ការនៅប្រទេស India មកធ្វើ Mock Assessment លើមន្ទីរពិសោធន៏អតិសុខុមសាស្រ្ត(Microbiology Laboratory)។ ការវាយតម្លៃនេះមានរយៈពេលចំនួន ៤ថ្ងៃ ពីថ្ងៃទី១៨ ដល់ថ្ងៃទី២១ ខែសីហា ឆ្នាំ២០២៥។
គោលបំណងនៃការធ្វើ Mock Assessment មានដូចតទៅ៖
១.ត្រៀមលក្ខណៈបច្ចេកទេស និងប្រព័ន្ធគ្រប់គ្រងគុណភាពរបស់មន្ទីរពិសោធន៍ អតិសុខុមសាស្រ្តមុនពេលធ្វើការវាយតម្លៃផ្លូវការដែលប្រព្រឹត្តទៅនៅចុងខែកញ្ញាឆ្នាំ២០២៥ខាងមុខនេះ។
២.ស្វែងរកចំណុចខ្វះខាត និងបញ្ហាដែលត្រូវការកែលម្អ ដើម្បីធានាថាមន្ទីរពិសោធន៍អាចបំពេញតាមស្តង់ដារអន្តរជាតិ ISO/IEC 17025 :2017។
៣.បង្កើនសមត្ថភាព និងជំនាញរបស់បុគ្គលិកក្នុងការអនុវត្តតាមនីតិវិធីស្តង់ដារ។
៤.លើកកម្ពស់គុណភាព បង្កើនកម្រិតជំនឿជាក់ និងភាពទុកចិត្តពីអតិថិជន យើងសង្ឃឹមយ៉ាងមុតមាំថាហ្នឹងទទួល ISO /IEC 17025 ផ្នែក មន្ទីរពិសោធន៍អតិសុខុមសាស្រ្តជាលក្ខណអន្តរជាតិមួយបន្ថែមទៀត ក្នុងពេលឆាប់ៗខាងមុខនេះ។
